टप एन्ड टी-२० सिरिज : एनटीविरूद्ध बलिङमा नेपाल

Bishal Thapa

तपाईंको विज्ञापन यहाँ

साउन ३०। अस्ट्रेलियाको डार्बिनमा शुक्रबारदेखि सुरु भएको टप एन्ड टी-२० क्रिकेट सिरिजमा नेपालले आफ्नो पहिलो खेल घरेलु टोली नर्दन टेरिटोरी (एनटी) विरुद्ध खेलिरहेको छ। टस जितेर नेपालले पहिले बलिङ गर्ने निर्णय गरेको हो।

नेपालको पहिलो खेलमा ओपनरद्वय कुशल भुर्तेल र आसिफ शेखसहित लोकेश बम, रोहितकुमार पौडेल, कुशल मल्ल, दीपेन्द्रसिंह ऐरी, गुल्सन झा, रुपेश सिंह, सोमपाल कामी, सन्दीप लामिछाने र साहब आलम मैदानमा उत्रिएका छन्।

सिरिजमा अस्ट्रेलियाको बिग ब्यासका एकेडेमी टोलीहरू, पाकिस्तान ‘ए’ र बंगलादेश ‘ए’ टोलीसमेत सहभागी छन्। नेपालले शनिबार बंगलादेश ‘ए’ सँग, सोमबार मेलवार्न स्टार्स एकेडेमी, बुधबार मेलबर्न रेनेगेड्स एकेडेमी र शुक्रबार पाकिस्तान शाहिन्ससँग खेल्ने तालिका छ।

यो भ्रमण आगामी अक्टोबरमा ओमानमा हुने आइसिसी पुरुष टी-२० विश्वकपको एसिया तथा पूर्वी एसिया–प्रशान्त संयुक्त छनोटको तयारीको हिस्सा हो। सिरिजपछि नेपालले अस्ट्रेलियामा थप एक साता अभ्यास गर्नेछ र क्रिकेट एसिटीसँग २६ अगस्टमा दुई तथा साउथ अस्ट्रेलियासँग २८ अगस्टमा दुई गरी चार वटा टी-२० खेल खेल्नेछ। त्यसपछि ३० अगस्टमा साउथ अस्ट्रेलियासँग एकदिवसीय खेल हुने कार्यक्रम छ।

अस्ट्रेलिया भ्रमणपछि नेपालले सेप्टेम्बरमा युएईमा वेस्ट इन्डिजसँग तीन खेलको टी-२० सिरिज खेल्नेछ। एसिया–ईस्ट एसिया प्यासेफिक छनोटमा नेपालसहित नौ टोली सहभागी हुनेछन् र शीर्ष तीन टोलीले आगामी वर्ष भारतमा हुने विश्वकपमा स्थान बनाउनेछन्।

तपाईंको विज्ञापन यहाँ

नेपाली टोली: रोहित पौडेल (कप्तान), दीपेन्द्रसिंह ऐरि (उप-कप्तान), सन्दीप लामिछाने, कुशल भुर्तेल, आसिफ शेख, कुशल मल्ल, गुल्सन झा, आरिफ शेख, भीम सार्की, रुपेस कुमार सिंह, सोमपाल कामी, नन्दन कुमार यादव, करण केसी, रिजन ढकाल, लोकेश बम, साहब आलम।

तपाईंको विज्ञापन यहाँ

सम्बन्धित लेखहरू

विश्वकप हारे पनि मेस्सी किन महान्?

विश्वकपको फाइनलमा स्पेनसँग १-० को हार बेहोरेर उपाधि चुम्न नसके पनि अर्जेन्टिनी कप्तान लियोनेल मेस्सीको महानतामाथि कुनै प्रश्न उठेको छैन। मेटलाइफ स्टेडियममा भएको फाइनल खेलमा अतिरिक्त समयको अन्तिमतिर फेरान टोरेसले गोल गर्दै स्पेनलाई विजयी बनाएपछि अर्जेन्टिनाको लगातार दोस्रोपटक विश्व च्याम्पियन बन्ने सपना अधुरै रह्यो। मैदानमा आँसु पुछ्दै आफ्ना समर्थकलाई अभिवादन गरिरहेका मेस्सीको दृश्यले संसारभरका फुटबल प्रेमीलाई भावुक बनाएको छ। यद्यपि, ३९ वर्षीय मेस्सीले यस विश्वकपमा ८ गोल र ४ असिस्ट गर्दै ७ खेलमा १२ गोलमा प्रत्यक्ष योगदान पुर्‍याएर आफू अझै पनि खेलको सर्वोच्च शिखरमा रहेको प्रमाणित गरेका छन्। उनको यो अविश्वसनीय प्रदर्शन र हारलाई पनि गरिमामय ढंगले स्वीकार गर्ने शैलीले उनलाई केवल एक खेलाडी नभएर विश्व फुटबलको एक प्रेरणादायी व्यक्तित्वको रूपमा स्थापित गरेको छ। अर्जेन्टिनाका प्रशिक्षक लियोनेल स्कालोनीले उनलाई मैदानमा ओर्लिने सबैभन्दा महान् खेलाडी भन्दै सम्मान प्रकट गरेका छन्। मेस्सीको फुटबल यात्राले सधैं धैर्य, संयमता र कहिल्यै हार नमान्ने अदम्य साहसको सन्देश दिन्छ। यस विश्वकपमा उनले अर्जेन्टिनालाई पटक-पटक कठिन स्थितिबाट फाइनलसम्म पुर्‍याउन खेलेको भूमिका र खेलप्रतिको उनको समर्पण युगौँसम्म फुटबल इतिहासमा स्वर्णिम अक्षरले लेखिनेछ। खेलको नतिजा जस्तोसुकै भए पनि मेस्सीको विरासत अब केवल ट्रफीमा सीमित छैन, बरु उनले फुटबललाई बाँच्ने जुन तरिका सिकाएका छन्, त्यो नै उनको सबैभन्दा ठूलो सफलता हो।

अर्जेन्टिनालाई हराउँदै १६ वर्षपछि स्पेन बन्यो विश्वकप च्याम्पियन

न्युयोर्क । स्पेनले अर्जेन्टिनालाई पराजित गर्दै फिफा विश्वकप २०२६ को उपाधि जितेको छ। अमेरिकाको न्यु जर्सीस्थित स्टेडियममा सम्पन्न रोमाञ्चक फाइनलमा स्पेनले अर्जेन्टिनालाई १–० ले हराउँदै १६ वर्षपछि विश्व फुटबलको सर्वोच्च उपाधि आफ्नो नाममा पार्न सफल भएको हो। निर्धारित ९० मिनेटमा दुवै टोलीबाट गोल हुन नसकेपछि खेल अतिरिक्त समयमा पुगेको थियो। अतिरिक्त समयको १०६औँ मिनेटमा फेरान टोरेसले निर्णायक गोल गर्दै स्पेनलाई उपाधि दिलाए। पेनाल्टी क्षेत्रभित्र बाउन्स भएको बललाई उनले देब्रे खुट्टाले शक्तिशाली प्रहार गर्दै जाली चुमाएका थिए। खेलको निर्धारित समयको अन्त्यतिर अर्जेन्टिनाका एन्जो फर्नान्डेजले दोस्रो पहेँलो कार्ड पाएपछि रातो कार्डसहित मैदान छाड्नुपरेको थियो। त्यसपछि १० खेलाडीमा सीमित भएको अर्जेन्टिनामाथि स्पेनले दबाब बढाउँदै अतिरिक्त समयको दोस्रो हाफको सुरुआतमै गोल निकाल्न सफल भयो। स्पेनले खेलभर बलमा पकड कायम राख्दै अर्जेन्टिनामाथि निरन्तर दबाब सिर्जना गरेको थियो। सन् २०१० पछि पहिलो पटक विश्वकप जितेको स्पेनका लागि यो दोस्रो विश्वकप उपाधि हो। यस संस्करणमा स्पेनले आठ खेलमा केवल एक गोल मात्र व्यहोर्दै विश्वकप इतिहासमा च्याम्पियन टोलीले सबैभन्दा कम गोल खाएको नयाँ कीर्तिमान पनि बनाएको छ। त्यस्तै, स्पेनको अपराजित यात्राले पनि नयाँ इतिहास रचेको छ। टोली अहिले लगातार ३८ खेल अपराजित रहेको छ, जसमा २९ जित र ९ बराबरी समावेश छन्। यो कुनै पनि युरोपेली राष्ट्रले बनाएको सबैभन्दा लामो अपराजित यात्रा हो। यसअघि इटालीको ३७ खेलको कीर्तिमान स्पेनले नै तोडेको हो। यता, फाइनलमा पराजित भएसँगै सन् २०२२ को विश्वकप विजेता अर्जेन्टिनाको लगातार दोस्रो विश्वकप जित्ने सपना अधुरै बनेको छ।

लाईका खबर

टप एन्ड टी-२० सिरिज : एनटीविरूद्ध बलिङमा नेपाल

सम्बन्धित लेखहरू

विश्वकप हारे पनि मेस्सी किन महान्?

अर्जेन्टिनालाई हराउँदै १६ वर्षपछि स्पेन बन्यो विश्वकप च्याम्पियन

टिप्पणीहरू (0)

सम्बन्धित लेखहरू

विश्वकप हारे पनि मेस्सी किन महान्?

अर्जेन्टिनालाई हराउँदै १६ वर्षपछि स्पेन बन्यो विश्वकप च्याम्पियन

फिफा विश्वकप २०२६: पेनाल्टीमा ४-३ ले विजयी हुँदै स्वीट्जरल्यान्ड क्वार्टरफाइनलमा

भर्खरै

ट्रेन्डिङ