नेकपा (एमाले)का अध्यक्ष केपी शर्मा ओलीले नयाँ शैलीबाट अघि बढ्ने बताएका छन् । शुक्रबार पार्टीको नयाँ वेबसाइट र मोबाइल एप सार्वजनिक कार्यक्रममा उनले थुप्रै कुरामा नवीकृत भएर अघि बढ्ने बताए ।
फोहोरबाट छुटकारा पाउन बालेनलाई सम्झिरहने अरू कुनै कारण छैन, किनकी बञ्चरेडाँडाका स्थानीयलाई आफ्नै गाउँघर बोझ भएको छ । आर्थिक बोझ भएको भए गुजारा गर्न ठूलो कुरो हुँदैन थियो होला, तर आफैं बस्ने घर रोगको बासस्थान भएपछि उनीहरू अतालिएका छन् ।
सुर्खेत, २० श्रावण — कर्णाली प्रदेश निर्माण व्यवसायी महासंघका नवनिर्वाचित पदाधिकारी तथा कार्यसमिति सदस्यहरूले मंगलबार सपथ ग्रहण गरेका छन्। महासंघको नयाँ नेतृत्व सर्वसम्मत रूपमा चयन भएको हो। महासंघको अध्यक्षमा मानव बम चयन भएका छन्। त्यसैगरी उपाध्यक्षमा तुलराज शाही, सचिवमा नवीनकुमार थापा, कोषाध्यक्षमा मनोजकुमार सिंह र सहकोषाध्यक्षमा शिमिला खड्का सर्वसम्मत चयन भएका छन्। यस्तै कार्यसमिति सदस्यहरूमा मनबहादुर चँदारा, ठानबहादुर भण्डारी, रतनबहादुर शाही, खड्गबहादुर शाही र ध्वजबहादुर शाही चयन भएका छन्। नवनिर्वाचित पदाधिकारीहरूले सपथ ग्रहणसँगै निर्माण व्यवसायीहरूको हकहित संरक्षण, व्यवसायिक एकता सुदृढीकरण तथा कर्णाली प्रदेशको पूर्वाधार विकासमा सक्रिय भूमिका निर्वाह गर्ने प्रतिबद्धता व्यक्त गरेका छन्।
भारतीय प्रधानमन्त्री नरेन्द्र मोदीले बिहीबार मध्यरातमा एक विशेष भिडियो सन्देश जारी गर्दै 'पेपर लीक' गर्नेहरू विरुद्ध कडा कानुन र सजायको व्यवस्था गर्ने घोषणा गरेका छन्। प्रधानमन्त्री मोदीले यस विषयमा क्याबिनेटले कठोर निर्णय लिने र आगामी हप्ता संसद्मा नयाँ विधेयक पेश गरी पारित गरिने बताएका छन्। बिहीबार राति ११:५२ बजे सामाजिक सञ्जाल 'एक्स' मार्फत २ मिनेट ५६ सेकेन्डको भिडियो सार्वजनिक गर्दै मोदीले भने, 'पेपर लीक कुनै सामान्य विषय होइन। यो लाखौं विद्यार्थी र उनीहरूका अभिभावकका लागि निकै पीडादायी छ। त्यसैले हामीले दोषीहरूलाई कडा सजाय दिन फास्ट ट्रयाक कोर्ट बनाउने निर्णय गरेका छौं।' प्रधानमन्त्रीका अनुसार सम्बन्धित विभागहरूले तयार पारेको मस्यौदामा फास्ट ट्रयाक कोर्ट र कठोर सजायका प्रावधानहरू समावेश छन्। यस मस्यौदामाथि शुक्रबार मन्त्रिपरिषद् बैठकमा छलफल हुनेछ। नयाँ कानुनले प्रश्नपत्र बाहिरिने घटनामा संलग्न गिरोहलाई १० वर्षसम्मको जेल र १ करोड भारुसम्मको जरिवाना गर्न सक्ने प्रावधान राख्ने तयारी गरिएको छ। यो कदम गत मे ३ मा भएको नीट परीक्षाको प्रश्नपत्र बाहिरिएको घटनापछि उत्पन्न आक्रोशलाई साम्य पार्न चालिएको हो। यस विषयलाई लिएर दिल्लीको जन्तरमन्तरमा 'ककरोच जनता पार्टी' ले प्रदर्शन गरिरहेको छ भने सामाजिक अभियन्ता सोनम वाङचुकले पनि अनशन बसेर विरोध जनाएका थिए। सरकारले पेपर लीक प्रकरणलाई गम्भीरतापूर्वक लिँदै शिक्षा मन्त्रालयमा ठूलो प्रशासनिक फेरबदल समेत गरेको छ। बिहीबार १७ जना वरिष्ठ अधिकारीहरूको सरुवा र बढुवा गरिएको छ। यसैबिच प्रधानमन्त्री मोदीको मध्यरातको भिडियो सन्देशलाई विपक्षी नेता राहुल गान्धीले व्यर्थको भिडियो भन्दै आलोचना गरेका छन्। गान्धीले सामाजिक सञ्जालमा लेख्दै भनेका छन्, 'मिस्टर मोदी, विद्यार्थीहरूले शिक्षा मन्त्री धर्मेन्द्र प्रधानको राजीनामा मागिरहेका छन्। मध्यरातमा यस्ता भिडियो हालेर उनीहरूको बुद्धिको अपमान नगर्नुहोस्। मन्त्रीलाई हटाउनुहोस् र विद्यार्थीहरूसँग माफी माग्नुहोस्।'